Huic instituto, quod a Francisco Iosepho Doelger nomen accepit, propositum est observanda necessitudine cum compluribus eidem disciplinis intercedente perquirere, quot quamque variis procedendi rationibus initis usque ad septimum p. Chr. n. saeculum antiquitas nuncupanda pagana, cum adversantibus Christianorum Iudaeorumque doctrinis esset ac moribus commutata, deinceps adeo sit simul transformata, ut humanus ille cultus evaderet, qui quidem temporibus serioris viguerit antiquitatis.

Principem vero locum istius instituti constat obtinere lexicon id, quod ad litteras artesque pertinens inscribitur Reallexikon für Antike und Christentum (RAC), quo scilicet opere continuo fere doctissimi homines e multis totius orbis nationibus electi de commutati veteris illius mundi processu quam diligentissime disserunt. Auxiliandi causa porro typis eius annuarii, cui titulus est Jahrbuch für Antike und Christentum (JbAC) commentationes usque mandantur, quaecumque cunctis ex affinibus disciplinis (e. g. patrologia liturgiaeque scientia, tam archaeologia Christiana quam philologia classica, historiae veteris et Iudaearum rerum religionisque scientiis) hauriendae spectant ad eiusdem illius instituti finium quaestiones. Ac praeterea publiacantur eodem pertinentes monographiarum collectaneorumque series in duo corpora divisae, quorum unum Ergänzungsbände zum Jahrbuch für Antike und Christentum, Kleine Reihe der Ergänzungsbände alterum Theophaneia nominatur.

Iam vero non edenda tantum haec opera curat institutum Doelgerianum, sed etiam acroases academicas quotannis iubet fieri, quibus orationibus intersint quam plurimi cives totius rei publicae litterarum. Quicumque autem homo doctus hospes indigena vel exterus in ipsius instituti domo per minus maiusve temporis spatium operam navare vult litteris, benigne semper excipitur.

Insuper pagina hac interretiali praebetur omnibus illud quod vocant Antiquitatis atque Christianismi Lexicon Reale Datenbank der im RAC verwendeten Abkürzungen, tam usurpantibus quam ipsis augentibus cum nuntiorum novissima quaeque copia tum adiumentorum genus multiplex, quorum imprimis haec instrumenta sunt appellanda. Nam primum quidem inveniri potest collatio omnium siglorum Internet-Adressen zur Spätantike , quibus adhibitis singuli libri ceterique textus, quo brevius significentur, in illo lexico naviter afferuntur. Accedit is suppeditandus index, qui continet Anglicas perinde ac Germanicas voces englisch-deutsches Stichwort-Verzeichnis, sub quibus eiusdem lexici lemmata porriguntur. Hanc denique paginam velut visitaturis ob oculos inscriptiones ponuntur interretiales commentariis locupletatae, quas ad exeuntis aetatem antiquitatis universamque culturam nobis indagandam apparet perutiles esse.